Aragones: Spanja ime do t’i mahnitësë të gjithë!

Viti 2007 ka qenë shumë i suksesshëm për teknikun e kombëtares spanjolle. Ishin të paktë ata që besonin te një trajner si Luis, por me punën e tij, ky i fundit arriti t’i bindte të gjithë. Edhe pse fillimet nuk ishin shumë të mira për të dhe skuadrën e tij, me kalimin e ndeshjeve, puna e Luis Aragonesit u ndje shumë. Tekniku spanjoll arriti të kualifikonte Spanjën në finalet e Euro 2008 dhe e ka ngjitur skuadrën iberike në vendin e katërt në klasifikimin e FIFA﷓s. I qetë dhe shumë i sigurtë, Aragones shprehet i bindur se Spanja e tij do të arrijë të japë maksimumin në Europianin e 2008, i cili do të zhvillohet verën e ardhshme në Austri dhe Zvicër. Në një intervistë të dhënë për revistën prestigjoze spanjolle “Don Balon”, Aragones ka treguar të gjitha planet e tij për ta ngritur Spanjën në vendin që i takon dhe për t’ i dhënë kësaj skuadre një titull që i mungon prej kohësh.



﷓ Tani fillon 2008...

﷓ Eshtë e vërtetë dhe kemi shumë punë për të bërë.

﷓ Çfarë mendoni se na pret në të ardhmen?

﷓ Ajo që vjen asnjëherë nuk i dihet, por ne duhet të përgatitemi për ta përballuar sa më mirë, me të gjitha vështirësitë q ëmund të kemi.

﷓ A e shikoni Spanjën tuaj midis më të mirave të Europës?

﷓ Skuadra jonë ka treguar s evlen shumë. Kemi një grup lojtarësh që mund të fitojnë gjithçka, por edhe që mund të humbasim përballë skuadrave të forta. Në futbollin e sotëm nuk ekzistojnë diferenca të mëdha dhe gjithçka mund të ndodhë.

﷓ Atëherë ju jeni optimistë se kjo Spanjë do të ecë?

﷓ Mendoj se kam arsye të shumta për ta menduar një gjë të tillë dhe për të zhvilluar një Europian spektakolar.

﷓ Rezultatet e vitit 2007 kanë qenë shumë premtuese, pavarësisht kritikave në adresën tuaj?

﷓ Eshtë e vërtetë që skuadra ka bërë një punë të shkëlqyer dhe unë jam shumë i lumtur për këtë. Por, mendoj se ne nuk jemi midis katër vendeve të para siç thotë FIFA, por midis shtatë apo tetë kombëtareve më të mira në botë.

﷓ Mos më mohoni se viti 2007 nuk ka qenë i suksesshëm për ju dhe s ekeni frikë për t’u përballur me 2008?

﷓ Që kur unë jam trajner i Spanjës, të gjitha vitet kanë qenë të pranueshme për mua. Do të thoja se kanë qenë shumë të suksesshëm, si për shembull skuadra nuk ka humbur asnjë ndeshje brenda një viti.

﷓ Shumë njerëz nuk kanë besuar tek ju në fillim, Por, tani gjërat kanë ndryshuar. Ndiheni i zhgënjyer nga kjo?

﷓ Mua nuk më ka zhgënjyer asnjë, por të tjerët janë habitur nga puna ime. Për mua dhe skuadrën gjithçka ka shkuar mirë dhe ndihem vërtet krenar për këtë.

﷓ Europiani po afron, e keni menduar listën e lojtarëve që do të grumblloni?

﷓ Mendoj se është ende shumë herët për të folur për listën. Sapo ka përfunduar faza e parë e sezonit, skuadrat dhe lojtarët kanë ende shumë punë për të bërë. Mos harroni se mund të ketë edhe dëmtime.

﷓ A mendoni se situata e vështirë e Valencias do të ndikojë te skuadra e Spanjës? Mos harroni se David Albelda, një ndër lojtarët më të mirë të skuadrës tuaj, është përjashtuar nga tekniku Ronald Kuman.

﷓ E kam ndjekur këtë çështje nëpërmjet shtypit. Nuk mund të them nëse Albelda do të jetë apo jo pjesë e Spanjës në Europian. Për mua e rëndësishmë është që lojtari të jetë në gjendje të mirë sportive kur të vijë momenti dhe më pas aty më takon mua për të vendosur. Albelda është një lojtar shumë i rëndësishëm për ne dhe jam i bindur që do ta kalojë këtë situatë të vështirë.

﷓ Në listën e lojtarëve më të mirë të “FIFA World Player”, futbollistët spanjollë nuk zënë një vend të mirë. Fernando Torres renditet në vend të 26 dhe kjo sipas jush çfarë tregon?

﷓ Sigurisht që nuk është një shenjë e mirë. Duket qartë që klubet spanjolle janë shumë lartë, kjo falë lojtarëve dhe yjeve jo spanjollë që kanë në skuadër. Te Barça mund të përmend Ronaldinjon apo Mesin, ndërsa te Reali Van Nistelroin. Megjithatë, ka ardhur koha që Spanja të thotë fjalën e saj dhe të hedhë një hap të rëndësishëm me skuadrën kombëtare.

﷓ Duke mbetur jashtë kombëtares, a mund të më tregoni se sa e ndiqni kampionatin spanjoll?

﷓ Sigurisht që e ndjek shumë, kjo edhe për shkak të punës time si trajner i kombëtares së Spanjës.

﷓ Besoj se e keni ndjekur takimin midis Barcelonës dhe Realit. Çfarë mendimi keni për këto dy skuadra?

﷓ Sigurisht që e kam ndjekur dhe më pëlqeu shumë Reali. Besoj se madrilenët qëndrojë më lart se Barça, megjithatë kampionati është shumë i gjatë dhe mund të ketë shumë të papritura.

﷓ Në fund, një urim për vitin 2008?

﷓ Shpresoj që futbolli spanjoll të ngjitet sa më lart dhe që ky vit që do të vijë të jetë shumë i suksesshëm për Spanjën.



Kaka, “njëshi” i botës!

Tekniku Luis Aragones ka dhënë mendimin e tij për fituesin e Topit të Artë dhe “FIFA World Player” dhe ka thurur elozhet e tij për yllin e Milanit. “Eshtë një lojtar që çdo skuadër apo trajner do ta kishte zili. Për momentin është futbollisti më i mirë në botë dhe nuk ka asnjë dyshim. Ka arritur të fitojë gjithçka në vetëm 24﷓vjeç dhe kjo nuk është aspak e lehtë në botën e futbollit, sidomos në kohët e sotme, ku në skenë ka edhe shumë yje të tjerë. Ndoshta mund të them se është një shkallë më poshtë se Di Stefano, Pele, Maradona apo Garrinça, por mendoj se Kaka është midis Bobi Çarltonit apo Pushkashit”.



Raul, ndoshta në kombëtare!

Misteri më i madh në listën e lojtarëve që do të shkojnë në Euro 2008, është emri i kapitenit të Realit, Raul Gonzalez. I pyetur për këtë çështje, tekniku Aragones hapi një dritë jeshile për madrilenin: “Shumë njerëz më kanë pyetur për këtë temë dhe mund t’ju them me sinqeritet se përgjigjet e mia nuk kanë qenë të njëjta. Sigurisht që Raul është një lojtar i madh, por Spanja ka edhe shumë futbollistë të tjer` që mund ta justifikojnë më mirë një vend në kombëtare. Nuk e kam vendosur ende nëse Raul do të jetë apo jo në Europian, por nëse tregon një formë të mirë, atëherë rruga për të do të jetë e hapur. Tashmë jam i lodhur me këtë çështje, por të gjithë do ta marrin vesh vendimin tim kur unë të kem brë gati listën e lojtarëve”.



Grupi është i kalueshëm, por duhet kujdes!

Greqia, Rusia dhe Suedia do të jenë tre skuadrat me të cilat do të përballet Spanja në Europianin e Austri dhe Zvicër. Duket se shorti ka qenë bujar me iberikët, megjithatë Luis Aragones mendon të kundërtën: “Nuk ka më skuadra të vogla apo të mëdha. Të gjithë dinë të luajnë futboll dhe në një kompeticon kaq të rëndësishëm mund të ndodhë gjithçka. Jam i bindur se të katërta skuadrat e grupit do të luftojnë për t’u kualifikuar, mundësitë e i kanë dhe nuk shoh arsye se pse të mos arrihen objektivat. Me grupin e lojtarëve që kemi, mendoj se shanset janë të mëdha për t’u kualifikuar, por në të tilla raste duhet treguar një kujdes shumë i madh. Greqia është kampione në fuqi, ndërsa Rusia dhe Suedia kanë treguar se janë skuadra që mund të të ndëshkojnë në çdo moment”.