Kapelo, i suksesshëm në çdo gërmë!

Anglishtja. Jo e shkëlqyer, por të paktën fjalët e Fabios do të kenë më tepër kuptim se ato të MekLarenit, që i dha shtypit një fjali tepër të vështirë për t’u zbërthyer në një konferencë për shtyp: “Runi është një lojtar pa përvojë, por me përvojën e duhur për atë që ai mendon se duhet të bëjë”.

Art. Vlerësohet se Kapelo ka një koleksion pikturash që kap vlerën e 10 milion stërlinave. Lojtarët e Anglisë mund të jenë duke pyetur veten përse nuk bleu ndonjë jaht apo makinë sportive.

Bekam. Kapelo e konsideroi firmosjen e David Bekamit me Los Anxhelosin kur drejtonte Realin si një akt tradhëtie. “Ai nuk do të luajë kurrë më nën urdhërat e mi”, deklaroi atëherë italiani. Megjithatë, “kapërdiu” fjalën e nderit kur Bekami u rikthye në formën e tij më të mirë.

Di Kanio. Kapelo pati një konflikt me Paolo Di Kanion në turin e Milanit në Kinë në vitin 1996, pasi ish﷓sulmuesi i Uest Hamit i tha që humbja në një miqësore nuk duhej të merrej aq seriozisht. “Fytyra jote ngjan si një penis”, iu përgjigj atëherë Kapelo.

Endrra e anglezëve. Korrik 2010, MekLareni: “Jemi në finalen e Botërorit, por Kapelo nuk luan në një mënyrë angleze. A nuk jua shpifin të gjitha këto fitore 1﷓0? Jemi shumë të fortë në mbrojtje. Do të kisha preferuar të mos e shihja këtë skuadër në Botëror”.

Futbollist. Si lojtar Kapelo luajti me Romën, Juventusin dhe Milanin, ndër të tjerë. Ai zhvilloi 32 ndeshje me Italinë dhe shënoi golin e fitores në “Wembley” në 1973﷓n. Kjo ishte hera e parë që “axurrët” mundin “luanët” në shtëpinë e tyre.

Galaktikët. Vite përpara se Reali të vuante sindromën e “Jam një yll, do të luaj gjithmonë”, Kapelo diti të zbuste “yje të pabindur” si Alesandro Del Piero, Edgar Davids, Françesko Toti apo Antonio Kasano. Xherard, Bekam apo Terri duhet ta kenë mesazhin e qartë, përderisa ai nuk ngurroi të linte jashtë një vagabond barez.

Intensiteti. Lojtarë që janë stërvitur më parë nga Kapelo thonë se ai është tërësisht i painteresuar për jetën e tyre jashtë fushe, por kërkon një përkushtim total në stërvitje apo ndeshje. Lojtarët e Realit nuk e pritën mirë diçka të tillë, kur u duhej të stërviteshin më shumë se dy orë në ditë.

I pamposhtur. I pamposhtur për 58 ndeshje radhazi të Serisë A me Milanin, nga maj 1991 deri në mars 1993. Një rekord më i mirë ky se ai i të “pamposhturve” të Vengerit (49 ndeshje).

Juventus. Në një shenjë të pragmatizmit dhe ambicjes së tij, Kapelo iu bashkua Juventusit, klub që e ndiqte prej vitesh që nga 2004﷓a. Ai fitoi dy tituj të Serisë A, të cilët iu hoqën më pas skuadrës së përfshirë në një skandal korrupsioni.

Kandinski. Artisti i preferuar i Kapelos. Babai i abstraksionit n- pikturë e konceptonte jetën si një trekëndësh me një dimension të vetëm. Kjo është mbase arsyeja përse Kapelo preferon një sulmues të vetmuar.

Ksenofobia. Diçka që i përket të shkuarës së futbollit anglez? E mbani mend sherrin që u krijua kur Federata vendosi të punësonte Sven﷓Goran Eriksonin si trajner? Shoqata e Trajnerëve Profesionistë Anglezë protestoi ndaj caktimit të një trajneri të huaj, një akt tradhëtie ndaj tyre sipas saj, por harruan të thonin se shumë prej antarëve të Shoqatës i kalojnë pushimet e tyre pranë liqenit të Komos.

La Liga. Ai fitoi titullin kampion në Spanjë me Realin në vitin 1997 dhe 2007, por u largua në fund të sezonit në të dyja rastet. Vështirë se Anglia do ta lejojë të largohet nëse fiton Botërorin në 2010﷓n.

Loja. Kritikët e Kapelos thonë se loja e tij është e mërzitshme dhe shumë mbrojtëse. Në fakt, skuadrat e Kapelos karakterizohen nga një disiplinë dhe rregull i madh. Për Kapelon rëndësi ka të fitojë dhe kjo është më e thjeshtë të bëhet pa spektakël.

Mosha. Disa e konsiderojnë Sër Aleks Fergusonin si të vjetër, ndërsa Kapelon në moshën e përshtatshme për të drejtuar Anglinë. Në moshën 61﷓vjeçare, Kapelo është trajneri më i vjetër që merr ndonjëherë në dorë drejtimin e “luanëve”, edhe pse Kevin Kigan dukej si 80 vjeç kur dha dorëheqjen.

Nervozizmi. Në janar ai u gjobit nga Reali pasi i tregoi dy herë gishtin e mesit tifozëve që e vërshëllenin vazhdimisht gjatë ndeshjeve të tij në “Bernabeu”.

Pasion. Pavarësisht interesave të tij të tjera, Kapelo pranon se është një “futboll﷓dependent”. “Edhe atëherë kur jam i mërzitur, edhe atëherë kur luajmë keq, e shijoj edhe sekondën e fundit të lojës”, thotë italiani.

Pesha mund të përbëjë një problem serioz për futbollistët anglezë nën urdhërat e Kapelos. “A nuk të vjen turp që je kaq i shëndoshë”, pyeti Kapelo Ronaldon në janar, kur drejtonte Realin. Braziliani iu përgjigj duke u transferuar tek Milani.

Roma. Ai mori në dorë drejtimin e klubit dhe udhëhoqi Romën drejt titullit të parë në 1999, pas 18 vitesh, edhe pse gjatë vitit pati një konflikt me Françesko Totin, heroin e tifozerisë.

Shkatërruesi. Një lajm i mirë për Ouen Hergrivsin. Kapelo nuk e koncepton dot lojën pa një shkatërrues. Kur nuk e kishte një të tillë vendosi Marsel Desainë në këtë rol, në finalen e Champions në 1994﷓n, kur drejtonte Milanin.

Tradhëtia. Kapelo u konsiderua si një tradhëtar për mënyrën e fshehtë se si u largua nga Roma për tek Juventusi në 2004﷓n. Kërcënoi se do të largohej nga Seria A në 2002﷓n, kur pranoi se standartet po binin.

Tetë vite. Kapelo besohet se u kontaktua për herë të parë për detyrën e trajnerit të Anglisë në vitin 2000, kur FA vendosi të punësonte për herë të parë në histori një trajner të huaj.

Trofe. Nëntë tituj në 16 sezone me katër klube ndërtojnë pa diskutim një kurrukulum më të mirë se ai i Stiv MekKlarenit. Kapelo fitoi Champions League në 1994﷓n, kur drejtonte Milanin.

Volejboll. Një nga drejtuesit e Mediolanumit, skuadrës së volejbollit të formuar nga Berluskoni, presidenti i Milanit. Kapelo punoi si drejtues komercial i Mediolanumit në fillimet e 1980﷓s.

Zerorh+. Kështu quhet marka e syzeve që Kapelo mban. “Ato i përshtaten kujdesit të pambarimtë të Kapelos për detajet dhe tipit të tij sportiv”, thuhet në faqen e internetit të klubit. Kompanitë angleze të prodhimit të syzeve duhet të ndihen të dëshpëruara.