Maradona mbështet Iranin: Jeni popull i dashur!

Ish ylli argjentinas, Diego Armando Maradona ka qenë i ftuar në Iran për të vizituar vendin aziatik dhe gjithashtu për të takuar presidentin e Iranit, Mahmud Ahmadinexhad. Të shtunën, Maradona ka takuar personin e ngarkuar për ambasadën e Iranit në Buenos Aires, Mohsen Baharvand, i cili e ftoi argjentinasin që të udhëtojë për në Teheran. “Tashmë kam njohur Hugo Çavezin dhe Fidel Kastron, por kam kënaqësinë të njoh edhe presidentin e Iranit. Vizita të tilla më bëjnë të ndihem krenar dhe të kem një konsideratë të lartë për ju”, tha Maradona, i cili ka shprehur më parë admirimin e tij për presidentin e Venezuelës dhe liderin e Kubës, të cilët i ka takuar jo pak herë. Vizita e Maradonës në Iran kishte edhe një të veçantë tjetër. Një person i quajtur Luis D’Elia, ish funksionar, është akuzuar nga Drejtësia argjetinase se ka qenë ideatori i një atentayi terrorist në vitin 1994, i cili solli vdekjen e 85 personave në Buenos Aires, midis tyre edhe disa iranianë. Gjatë takimit të tij në Iran, Maradona shprehur haptazi mbështetjen e tij për popullin e iranit. “Jam me iranianët dhe këtë e them me gjithë zemër. E them sepse kështu e ndjej. Jeni një popull shumë i dashur dhe këtë e kam vënë re shumë herë. Ndihem shumë i lumtur që po vizitoj vendin tuaj. Jam me Iranin dhe këtë e pranoj me gjithë zemër. Mund të them se kam përshtypjet më të mira për këtë vend dhe se populli, përveç se është shumë i dashur, është edhe mikpritës, diçka që mungon në shumë vende të botës. Sigurisht, do të vizitoj edhe vende të tjera dhe shpresoj që pritja të jetë po kaq e ngrohtë”, tha Maradona.